Umunsi Mpuzamahanga w'Umurimo

Abakozi b'Ibitaro bishimiye kwizihiza Umunsi Mukuru ngarukamwaka  w' Umurimo bishimira umusaruro n'imihigo bamaze kwesa  mu kazi bakora buri munsi ko kwita ku barwayi.

Ibi birori bikaba byabimburiwe n'umukino wa gicuti hagati y'abakozi  bavura n'abakora mu nzego zunganira abavura mu bitaro.
 Uyu mukino ukaba wateguwe mu rwego rwo kongera  ubusabane n'ubucuti hagati y'abakozi bahamya ko bigira uruhare mu gutuma barushaho gusohoza inshingano zabo neza.

Umukino hagati y'abakozi bavura n'abakozi bunganira

Umukino wabimburiye ibirori.

Nyuma y'uyu mukino aba bakozi bahuriye  hamwe barasangira ,baranaganira mu nzu mberabyombi ya Paruwasi  Gatulika ya Kinihira.

  Mu ijambo rye , Umuyobozi Mukuru w'Ibitaro, Dr. Uwayitu Esperance  witabiriye iki gikorwa yashimiye abakozi ku muhate n'umurava bagize  bita ku bagana ibitaro , abasaba gukomerezaho ndetse bakarushaho no kongera imbaraga banoza neza serivisi batanga kuko  ku munsi nkuyu ari ishema rya buri wese kwishimira ibyiza  byagezweho.

                             Umukozi w'Indashyikirwa 2022

Muri ibi birori hashimiwe ku mugararagaro umukozi wahize abandi   watowe n'abakozi  witwa Manishimwe  Anualite , akaba ri umuforomokazi  usanzwe  ukorera muri  serivisi yita ku bana bakivuka ( Neonatology).